Llyfrau Daioni Darllen ar Bresgripsiwn
Llyfrau Daioni Darllen ar Bresgripsiwn
Mae Daioni Darllen yn eich cefnogi i ddeall a rheoli eich iechyd a’ch lles gan ddefnyddio llyfrau darllen defnyddiol.
Mae llyfrau Daioni Darllen i gyd yn cael eu cymeradwyo gan arbenigwyr iechyd, pobl sy’n byw gyda’r cyflyrau a’u perthnasau a’u gofalwyr.
Mae Daioni Darllen ar gyfer iechyd meddwl yn rhoi gwybodaeth a chymorth defnyddiol ar gyfer rheoli cyflyrau iechyd meddwl cyffredin, neu ddelio â theimladau a phrofiadau anodd. Mae rhai llyfrau hefyd yn cynnwys straeon personol gan bobl sy’n byw ag anghenion iechyd meddwl neu sy’n gofalu dros rhywun ag anghenion.
Mae yna 37 o lyfrau yn y casgliad iechyd meddwl, sydd hefyd wedi eu cyfieithu i’r Gymraeg.
Mae casgliad llawn ar gael ym mhob Hyb neu Lyfrgell yng Nghaerdydd ac mae aelodau llyfrgell yn gallu benthyg y llyfrau am ddim am 6 wythnos. Nid oes unrhyw ddirwyon hwyr ynghlwm â’r benthyciadau hyn. Mae rhai llyfrau hefyd ar gael i’w benthyg fel e-lyfrau a llyfrau llafar. Ewch i Hunan-gofrestru Caerdydd i ymuno â’r llyfrgell a chael mynediad at lyfrau yn electronig.
Mae yna hefyd restr o lyfrau Daioni Darllen ar gyfer dementia, sy’n argymell deunyddiau darllen i wella ymwybyddiaeth a dealltwriaeth pobl o ddementia, gan gefnogi gofalwyr pobl sydd â diagnosis o ddementia a’r rhai sy’n poeni am eu cof.
Yn ogystal â chynnig llyfrau, mae gan rai hybiau a llyfrgelloedd gyfryngau eraill i chi eu mwynhau hefyd, fel:
- Adnoddau electronig (e-lyfrau, llyfrau sain, e-bapurau newydd ac e-gylchgronau), a
- Chyhoeddiadau iaith gymunedol
